Quen Somos

Idade de Ouro, Servizos Sociosanitarios, SL nace en resposta ás demandas de atención social daqueles sectores máis vulnerables e con máis carencias na nosa contorna: terceira idade, discapacidade e infancia, é dicir, os sectores máis dependentes da sociedade.

Nace como unha solución para a cobertura das inminentes necesidades en materia de servizos sociais que xorden na sociedade, motivadas polos cambios nas estruturas familiares, o envellecemento da poboación e os novos hábitos de consumo.

Establece como principios da súa praxe profesional:

• A calidade e a innovación.
• O dinamismo e a axilidade na prestación do servizo.
• O compromiso e a implicación do seu persoal.
• A cualificación teórico-práctica dos seus profesionais.
• A contratación de persoal residente no mesmo concello e a súa fidelización.
• O trato individualizado e personalizado aos/as usuarios/ as dos diferentes servizos, así como unha atención integral e global das súas necesidades e problemáticas desde un enfoque bio- psico-social.